Kaghaz Pa Harf Harf Nikhar Jaana Chahiye
kaghaz pa harf harf nikhar jaana chahiye
be-chehragi ko rang mein bhar jaana chahiye
mumkin hai aasman ka rasta inhin se ho
nile samundaron mein utar jaana chahiye
har-dam badan ki qaid ka rona fuzul hai
mausam sadaen de to bikhar jaana chahiye
sahra mein kaun bhik kise dega chhanw ki
KHud apni oT mein hi Thahar jaana chahiye
tanha safar mein raat ke is pichhle waqt mein
aawaz koi de to kidhar jaana chahiye
jis se bichhaD ke ho gae sahra-naward hum
ab tak to us ke zaKHm bhi bhar jaana chahiye
pani ko rokti ho jo 'akhilesh'-ji ana
KHud pyas ko nadi mein utar jaana chahiye
Akhilesh Tiwari 
(772) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544