Abhi Ashkon Mein KHun Shamil Nahin Hai
abhi ashkon mein KHun shamil nahin hai
mohabbat ka junun kaamil nahin hai
zamane se mohabbat ka abhi tak
ye hasil hai ki kuchh hasil nahin hai
na aankhen phoD is dasht-e-junun mein
ye rah-e-naqa-e-mahmil nahin hai
zamin par baiTh ja ai shaiKH tu bhi
ye bazm-e-mai teri mahfil nahin hai
tabibon se kaho ghar lauT jaen
ye dard-e-dil wo dard-e-dil nahin hai
hamin 'aKHlaq' us se be-KHabar hain
kisi pal hum se wo ghafil nahin hai
Akhlaque Bandvi 
(648) Peoples Rate This