Apni Bahaar Pe Hansne Walo Kitne Chaman KHashak Hue

apni bahaar pe hansne walo kitne chaman KHashak hue

apne rafu ko ginne walo kitne gareban chaak hue

diwanon ko kaun batae aaj ki rasm aur aaj ki baat

is ne unhin ki samt nazar ki ishq mein jo bebak hue

shoabada-e-yak tarz-e-karam hai kaisi saza aur kaisi jaza

mauj-e-tabassum jab lahrai tar-daman bhi pak hue

ruKH dekha jis samt hawa ka us jaanib munh kar ke chale

dasht-e-junun ke diwane bhi misl-e-saba chaalak hue

KHak-e-nasheman jab uDti hai dil se dhuan sa uThta hai

hadse is gulzar mein warna aur bahut ghamnak hue

dekhte dekhte duniya badli gulshan kya virana kya

parbat parbat naqsh the jin ke miTte miTte KHak hue

jaan-e-chaman jo gul the 'aKHtar' wo to hue matub o zalil

zeb-e-gulistan raunaq-e-gulshan kal ke KHas-o-KHashak hue

(694) Peoples Rate This

Your Thoughts and Comments

Apni Bahaar Pe Hansne Walo Kitne Chaman KHashak Hue In English By Famous Poet Akhtar Ansari. Apni Bahaar Pe Hansne Walo Kitne Chaman KHashak Hue is written by Akhtar Ansari. Read famous Poem Apni Bahaar Pe Hansne Walo Kitne Chaman KHashak Hue for youth and Student by Akhtar Ansari. Free Download Apni Bahaar Pe Hansne Walo Kitne Chaman KHashak Hue in PDF.