Ye Sanam Riwayat-o-naql Ke Hubal-o-manat Se Kam Nahin
ye sanam riwayat-o-naql ke hubal-o-manat se kam nahin
tera fikr waiz-e-haq-nawa kisi somnat se kam nahin
kahin barq chamke main jal uThun koi tara TuTe main ro paDun
ye dil-e-sitam-zada ham-nashin dil-e-kaenat se kam nahin
kahin rang-o-nur-e-jamal hai kahin bim-o-fikr-e-maal hai
kahin sham ghairat-e-subh hai kahin din bhi raat se kam nahin
jise kahiye raqs-e-sharar-e-gham wo agar ho shamil-e-gham to phir
gham-e-dil ho ya gham-e-zindagi gham-e-kaenat se kam nahin
ye surur 'aKHtar'-e-dil-zada rajaz-e-bahaar-o-shabab hai
ye buland hoti hui fughan alam-e-hayat se kam nahin
Akhtar Ansari 
(802) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544