Kaise Samjhega Sadaf Ka Wo Guhar Se Rishta
kaise samjhega sadaf ka wo guhar se rishta
jo samajh pae na aankhon ka nazar se rishta
mo'atabar sar hi bana lo to bahut achchha hai
kam hi rah pata hai dastar ka sar se rishta
hai gharibon ka amiron se talluq itna
jitna hota hai charaghon ka sahar se rishta
be-asar jab hain zabanen to kiya kya jae
warna rakhti hain duaen bhi asar se rishta
hum ne ruswai ki us waqt se chadar oDhi
jis ghaDi toD diya tha tere dar se rishta
dil ka rishta bhi agar socho to kya rishta hai
nibh raha hai isi rishte ke asar se rishta
justuju us ki KHuda jaane hai kis manzil tak
KHatm hota nahin 'aKHtar' ka safar se rishta
Akhtar Hashmi 
(2542) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544