Hamare Hath Mein Kab Saghar-e-sharab Nahin
hamare hath mein kab saghar-e-sharab nahin
hamare qadmon pe kis roz mahtab nahin
jahan mein ab koi surat pae-sawab nahin
wo mai-kade nahin saqi nahin sharab nahin
shab-e-bahaar mein zulfon se khelne wale
tere baghair mujhe aarzu-e-KHwab nahin
chaman mein bulbulen aur anjuman mein parwane
jahan mein kaun gham-e-ishq se KHarab nahin
gham, aah ishq ke gham ka koi nahin mausam
bahaar ho ki KHizan kab ye iztirab nahin
umid-e-pursish-e-ahwal ho to kyunkar ho
salam ka bhi teri bazm mein jawab nahin
watan ka chheD diya kis ne tazkira 'aKHtar'
ki chashm-e-shauq ko phir aarzu-e-KHwab nahin
Akhtar Shirani 
(962) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544