Shisha Ka Aadmi

uThao hath ki dast-e-dua buland karen

hamari umar ka ek aur din tamam hua

KHuda ka shukr baja laen aaj ke din bhi

na koi waqia guzra na aisa kaam hua

zaban se kalma-e-haq-rast kuchh kaha jata

zamir jagta aur apna imtihan hota

KHuda ka shukr baja laen aaj ka din bhi

usi tarah se kaTa munh-andhere uTh baiThe

pyali chae ki pi KHabren dekhin nashta par

subut baiThe basirat ka apni dete rahe

ba-KHair o KHubi palaT aae jaise sham hui

aur agle rose ka mauhum KHauf dil mein liye

Dare Dare se zara baal paD na jae kahin

liye diye yunhi bistar mein ja ke leT gae