Main Ajab Aadmi Hun
main ajab aadmi hun
raegani ke tasalsul ne mujhe toD diya
meri punji mere qirtas o qalam
kuchh kitaben pae-taskin-e-junun
kaun talib hai bhala maya-e-be-maya ka
koi jagir nahin
zindagi sher ke mele mein ganwa di main ne
is pe nazan tha ki har lafz mere
halqa-e-ehsas mein hai
is pe faKHir tha ki hain KHwab
mere kise mein
main ne kya kya na fan-e-sher ki aaraish ki
lafz-dar-lafz mahal
harf-dar-harf KHayal
satr-dar-satr junun
main ajab aadmi hun
zindagi sher ke mele mein ganwa di main ne
Akhtar Usman 
(1549) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544