Hairat Se Dekhta Hua Chehra Kiya Mujhe
hairat se dekhta hua chehra kiya mujhe
sahra kiya kabhi kabhi dariya kiya mujhe
kuchh to inayaten hain mere karsaz ki
aur kuchh mere mizaj ne tanha kiya mujhe
pathra gai hai aankh badan bolta nahin
jaane kis intizar ne aisa kiya mujhe
tu to saza ke KHauf se aazad tha magar
meri nigah se koi dekha kiya mujhe
aankhon mein ret phail gai dekhta bhi kya
sochon ke iKHtiyar ne kya kya kiya mujhe
Akram Naqqash 
(838) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544