Main Naqsh-ha-e-KHun-e-wafa ChhoD Jaunga
main naqsh-ha-e-KHun-e-wafa chhoD jaunga
yani ki raaz-e-rang-e-hina chhoD jaunga
tu aane wale kal ke liye kyun hai fikrmand
tere liye main apni dua chhoD jaunga
tere KHilaf koi na khole kabhi zaban
teri nigah mein wo nasha chhoD jaunga
aa jaiyega shauq se be bechain jab ho dil
darwaza apne ghar ka khula chhoD jaunga
ruKHsar-o-lab ki teri na kam hongi raunaqen
main har ghazal mein zikr tera chhoD jaunga
aaine de sakenge na tujh ko kabhi fareb
teri jabin pe tera pata chhoD jaunga
ek KHas chiz chhoDunga sab ke liye 'alim'
pahle se kyun bataun ki kya chhoD jaunga
Aleem Usmani 
(1058) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544