Maut Aai Hai Zamane Ki To Mar Jaane Do
maut aai hai zamane ki to mar jaane do
kam se kam us ki jawani to guzar jaane do
jag uTThenge hum abhi aisi zarurat kya hai
dhup diwar se kuchh aur utar jaane do
muddaten ho gain ek baat mere zehn mein hai
sochta hun tumhein batlaun magar jaane do
gardish-e-waqt ka kitna hai kushada aangan
ab to mujh ko isi aangan mein bikhar jaane do
KHush-nasibi se idhar aatish-e-gham KHub hai tez
dosto ab meri hasti ko nikhar jaane do
koi manzil nahin rah jaegi sar hone ko
aadmi ko zara allah se Dar jaane do
toD do baDh ke ye mafruza wafaon ke hisar
dil ki aawaz jidhar jae udhar jaane do
waqt ke hath ka phenka hua patthar hun main
ab to mujh ko kisi shishe mein utar jaane do
uljhanen KHatm na kyun hongi zamane ki 'alim'
un ke uljhe hue gesu to sanwar jaane do
Aleem Usmani 
(893) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544