Ye Ek Fitri Amal Hai
mohabbat
zindagi ka aarizi Thikana hai
aur
shahr mein tafrihi maqamat ki qillat
aabaadi mein izafe ki asal wajh
ye baat bahut kam log jaante hain
kirae ke makanon mein paida hone wale bachche
aankhon mein diwaren le kar paida hote hain
aur chhaton ke KHwab dekhte hue
zindagi ka ziyaada hissa
nakaami ka tana sunte hue guzar dete hain
tana sunne wali aankhon mein
aansu aur shikayat
ek fitri amal hai
jis ka radd-e-amal bhi
aabaadi mein izafe ki wajh ban sakta hai
Ali Sahil 
(855) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544