Chand Ko RuKHsat Kar Do
mere darwaze se ab chand ko ruKHsat kar do
sath aaya hai tumhaare jo tumhaare ghar se
apne mathe se haTa do ye chamakta hua taj
phenk do jism se kirnon ka sunahra zewar
tum hi tanha mere gham-KHane mein aa sakti ho
ek muddat se tumhaare hi liye rakkha hai
mere jalte hue sine ka dahakta hua chand
dil-e-KHun-gashta ka hansta hua KHush-rang gulab
Ali Sardar Jafri 
(1124) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544