Man Jis Ka Maula Hota Hai

man jis ka maula hota hai

wo bilkul mujh sa hota hai

aankhen hans kar puchh rahi hain

nind aane se kya hota hai

miTTi ki izzat hoti hai

pani ka charcha hota hai

jaanta hun mansur ko bhi main

apne hi ghar ka hota hai

achchhi laDki zid nahin karte

dekho ishq bura hota hai

wahshat ka ek gur hai jis mein

qais apna bachcha hota hai

baz-auqat mujhe duniya par

duniya ka bhi shubh hota hai

tum mujh ko apna kahte ho

kah lene se kya hota hai