Taza Phir Danish-e-hazir Ne Kiya Sehr-e-qadim
taza phir danish-e-hazir ne kiya sehr-e-qadim
guzar is ahd mein mumkin nahin be-chob-e-kalim
aql ayyar hai sau bhes bana leti hai
ishq bechaara na mulla hai na zahid na hakim
aish-e-manzil hai ghariban-e-mohabbat pe haram
sab musafir hain ba-zahir nazar aate hain muqim
hai garan-sair gham-e-rahila-o-zad se tu
koh o dariya se guzar sakte hain manind-e-nasim
mard-e-darwesh ka sarmaya hai aazadi o marg
hai kisi aur ki KHatir ye nisab-e-zar-o-sim
Allama Iqbal 
(2141) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544