Farishte Aadam Ko Jannat Se RuKHsat Karte Hain
ata hui hai tujhe roz o shab ki betabi
KHabar nahin ki tu KHaki hai ya ki simabi!
suna hai KHak se teri numud hai lekin
teri sarisht mein hai kaukabi o mahtabi!
jamal apna agar KHwab mein bhi tu dekhe
hazar hosh se KHush-tar teri shakar-KHwabi
giran-baha hai tera girya-e-sahar-gahi
isi se hai tere naKHl-e-kuhan ki shadabi!
teri nawa se hai be-parda zindagi ka zamir
ki tere saz ki fitrat ne ki hai mizrabi!
Allama Iqbal 
(3204) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544