Jawed Ke Nam
dayar-e-ishq mein apna maqam paida kar
naya zamana nae subh o sham paida kar
KHuda agar dil-e-fitrat-shanas de tujh ko
sukut-e-lala-o-gul se kalam paida kar
uTha na shishagaran-e-farang ke ehsan
sifal-e-hind se mina o jam paida kar
main shaKH-e-tak hun meri ghazal hai mera samar
mere samar se mai-e-lala-fam paida kar
mera tariq amiri nahin faqiri hai
KHudi na bech gharibi mein nam paida kar
Allama Iqbal 
(3798) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544