Kahna BaDon Ka Mano
man bap aur ustad sab hain KHuda ki rahmat
hai rok-Tok un ki haq mein tumhaare neamat
kaDwi nasihaton mein un ki bhara hai amrit
chaho agar baDai to kahna baDon ka mano
man bap ka azizo mana na jis ne kahna
dushwar hai jahan mein izzat se us ka rahna
Dar hai paDe na sadma zillat ka us ka sahna
chaho agar baDai to kahna baDon ka mano
tum ko KHabar nahin kuchh apne bhale-bure ki
jitni hai umr chhoTi utni hai aql chhoTi
hai behtari usi mein hai jo baDon ki marzi
chaho agar baDai to kahna baDon ka mano
Altaf Hussain Hali 
(3849) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544