Kaun Utra Nazar Ke Zine Se
kaun utra nazar ke zine se
mahfil-e-dil saji qarine se
shaiKH-sahib mujhe aqidat hai
gungunate hue mahine se
mai ko gul-rang kar diya kis ne
KHun le kar kali ke sine se
koi sahil na naKHuda apna
hum to manus hain safine se
kis ka eajaz hai ki rindon ko
chain milta hai aag pine se
pi ke jite hain ji ke pite hain
hum ko raghbat hai aise jine se
mai ki taqdis ka jawab kahan
dagh dhulte hain dil ke pine se
hae 'altaf' wo urus-e-bahaar
jhankti hai jo aabgine se
Altaf Mashhadi 
(803) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544