Jab Koi Bhi KHaqan Sar-e-baam Na Hoga
jab koi bhi KHaqan sar-e-baam na hoga
phir ahl-e-zamin par koi ilzam na hoga
kal wo hamein pahchan na pae sar-e-rahe
shayad unhen ab hum se koi kaam na hoga
phir kaun samajh paega asrar-e-haqiqat
jab faisla koi bhi sar-e-am na hoga
ye ahd-e-rawan KHak-nishan dhyan mein rakkho
phir DhunDoge kis ko jo koi nam na hoga
banne ko hai ek rose parindon ka muqaddar
utrenge to ham-rang-e-zamin dam na hoga
mahfil mein agar zikr ho arbab-e-wafa ka
aisa nahin 'rahat' ki tera nam na hoga
Ameen Rahat Chugtai 
(718) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544