Kiya Karte Hain Dildari Dil-azari Nahin Karte
kiya karte hain dildari dil-azari nahin karte
hansane ke liye hum baat bazari nahin karte
mazah-o-tanz mein malhuz rakhte hain matanat ko
kabhi majruh hum karte nahin lafzon ki hurmat ko
jo kam shadab chehre hain unhen shadab karte hain
jo kam-sin hain bahut jhuk kar unhen aadab karte hain
ujale ko ujala raat ko hum raat kahte hain
saliqe se ba-andaz-e-digar har baat kahte hain
baDha kar baat duguni ya kabhi tiguni nahin kahte
kisi kam-qad hasina ko kabhi Thigni nahin kahte
kisi nazuk badan ko hum kabhi moTi nahin kahte
kisi moTi se moTi ko double-roTi nahin kahte
jo misguide kare us ko to misguide nahin karte
bhalai ko kisi bhi taur sab side nahin karte
banate hain har ek mahaul ko hum pur-faza yaro
qaba-e-gul ko chhute hain ba-andaz-e-saba yaro
kisi mis se jo nadani mein kuchh mistake ho jae
dua karte hain nadani bhi fal-e-nek ho jae
Ameerul Islam Hashmi 
(1123) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544