Ye Lagta Hai Ab Bhi Kahin Kuchh Bacha Hai

ye lagta hai ab bhi kahin kuchh bacha hai

tumhaara diya zaKHm ab tak hara hai

kaho kaun si shakl dekhoge ab tum

ye chehra to ek aawran se Dhaka hai

laga hai zamana ibaadat mein jis ki

wo rahta kahan hai tumhein kuchh pata hai

gunahon se tauba karo waqt rahte

wagarna to dozaKH ka rasta khula hai

mohabbat mohabbat mohabbat mohabbat

aman yar chhoDo ye halka nasha hai

bhalai ke badle burai mile hai

ye qissa meri zindagi se juDa hai

ghalat-fahmiyan 'mit' rakkho na dil mein

wahi sach nahin jitna tum ne suna hai