Jab Koi Leta Hai Mere Samne Nam-e-ghazal
jab koi leta hai mere samne nam-e-ghazal
yaad aata hai mujhe ek nazuk-andam-e-ghazal
us harim-e-naz us KHalwat-sara-e-raaz mein
barha jazbaat ne bandha hai ehram-e-ghazal
ek rashk-e-mah ka main kar raha hun tazkira
aasman se kyun na ho uncha mera baam-e-ghazal
mai-kada bhi gunj uTTha shor-e-nosha-nosh se
kis qadar hai kaif-awar ye mera jam-e-ghazal
nau-ba-nau taza-ba-taza jalwa-e-shadab-e-husn
kar sake kis tarah aaKHir koi itmam-e-ghazal
aks-e-zan ho jis ke dil mein partaw-e-rangin-e-yar
kaun kah sakta hai 'najmi' us ko nakaam-e-ghazal
dekhte hain gosha-e-chashm-e-haya se wo mujhe
mil raha hai aaj 'najmi' mujh ko inam-e-ghazal
Amjad Najmi 
(903) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544