TaKHayyul Ko Bari Karne Laga Hun
taKHayyul ko bari karne laga hun
main zehni KHud-kushi karne laga hun
mujhe zinda jalaya ja raha hai
to kya main raushni karne laga hun
main aainon ko dekhe ja raha tha
ab in se baat bhi karne laga hun
tumhaari bas tumhaari dushmani mein
main sab se dosti karne laga hun
mujhe gumrah karna ghair-mumkin
main apni pairwi karne laga hun
Ammar Iqbal 
(2653) Peoples Rate This