Koi Ada-shanas-e-mohabbat Hamein Batae
koi ada-shanas-e-mohabbat hamein batae
jo hum ko bhul jae wo kyun hum ko yaad aae
kis ki majal thi ki hijab-e-nazar uThae
wo muskura ke aap hi dil ke qarib aae
ek dil-nashin nigah mein allah ye KHalish
nashtar ki nok jaise kaleje mein TuT jae
kuchh hum se be-KHudi mein huin be-hijabiyan
chashmak-zani sitaron ne ki phul muskurae
nadan sahi par itne bhi nadan nahin hain hum
KHud hum ne jaan jaan ke kitne fareb khae
wo jaan-e-arzu ki hai sarmaya-e-nashat
kyun us ki yaad gham ki ghaTa ban ke dil pe chhae
kahte the tum se chhuT ke kyunkar jiyenge hum
jite hain tum se chhuT ke taqdir jo dikhae
mayusiyon mein dil ka wo aalam dam-e-widaa
bujhte hue charagh ki lau jaise thartharae
tum to hamin ko kahte the ye tum ko kya hua
dekho kanwal ke phulon se shabnam chhalak na jae
ek na-tamam KHwab mukammal na ho saka
aane ko zindagi mein bahut inqalab aae
Andaleeb Shadani 
(1188) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544