Mal-e-duniya Talash Karna Hai
mal-e-duniya talash karna hai
yani rutba talash karna hai
aaj insan ko tapte sahra mein
bahta dariya talash karna hai
to kunwari hai kab se ai duniya
tera rishta talash karna hai
ab charaghon ki lau nahin manzur
yad-e-baiza talash karna hai
dushmani pyar se bhi kuchh achchha
darmiyana talash karna hai
kar chuke sair hum samundar ki
ab kinara talash karna hai
mujh ko phir se kitab-e-mazi mein
tera chehra talash karna hai
'abr' duniya ko chhoD jaane ka
ek bahana talash karna hai
Anis Abr 
(809) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544