Kijiye Hunar Ka Zikr Kya Aabru-e-hunar Nahin
kijiye hunar ka zikr kya aabru-e-hunar nahin
sab ke banae hum ne ghar aur hamara ghar nahin
kaisa ajib waqt hai koi bhi ham-safar nahin
dhup bhi mo'tabar nahin saya bhi mo'tabar nahin
jo mere KHwab mein rahi paikar-e-rang-e-nur thi
ye to lahuluhan hai ye to meri sahar nahin
bhaTke hue hain qafile kaise milengi manzilen
sab to bane hain rahzan koi bhi rahbar nahin
kaisa ajib hadsa hum pe guzar gaya 'anis'
rakh kabhi ke ho chuke aur hamein KHabar nahin
Anis Dehlavi 
(686) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544