Muddat Se Koi Unki Tahrir Nahin Milti

muddat se koi un ki tahrir nahin milti

kuchh dil ke bahalne ki tadbir nahin milti

har ek ko nahin hota irfan mohabbat ka

har ek ko mohabbat ki jagir nahin milti

bachchon ko to is tarah jalte nahin dekha tha

tariKH mein kuchh aisi tahrir nahin milti

punjab ko dekho to ek aag ka dariya hai

kashmir mein jannat ki taswir nahin milti

is desh ke logon ne chaalis baras pahle

ek KHwab to dekha tha tabir nahin milti