Zamane Bhar Ka Jo Fitna Raha Tha
zamane bhar ka jo fitna raha tha
wahi to ganw ka mukhiya bana tha
meri shohrat ke parcham uD rah the
magar main dhup mein tanha khaDa tha
hazaron raaz the poshida mujh mein
main apne aap se chhup kar khaDa tha
bahut se log us ko dekhte the
wo unche peD par baiTha hua tha
purana tha madari ka tamasha
magar wo bhiD thi rasta uDa tha
fasadi the mere hi ghar mein 'anjum'
main un ko shahr bhar mein DhunDhta tha
Anjum Abbasi 
(862) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544