Tumhaari Poron Ka Lams Ab Tak
main zindagi ki kaDi masafat
tumhaari chahat mile bina bhi mujhe yaqin hai ki kaT lunga
main aise logon ko jaanta hun
jinhon ne apni tamam umren
sarab-sayon ki justuju mein yahi samajh kar guzar di hain
ki chahaton ke ye KHwab-lamhe
ye furqaton ke azab-lamhe
kabhi banenge gulab-lamhe
ye log wo hain ki jin ke yaadon ke canwas par
visal-e-mausam ki ek mubham lakir bhi to nahin bani hai
pa meri yaadon ke hath mein to
tumhaari poron ka lams ab tak gulab ban kar mahak raha hai
mujhe yaqin hai
ki jab bhi chahun
tumhaare be-had hasin hathon ko thamne ka har ek lamha
mere KHayalon ke daere se nikal ke mujh ko
visal-mausam ki KHushbuon mein muhit kar de
mujhe yaqin hai
main zindagi ki ye sab masafat
kaDi masafat
tumhaari yaadon ki KHushbuon mein bhi kaT sakta hun kaT lunga
Anjum Khaleeq 
(2479) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544