Milna Tha Ittifaq BichhaDna Nasib Tha
milna tha ittifaq bichhaDna nasib tha
wo utni dur ho gaya jitna qarib tha
main us ko dekhne ko tarasti hi rah gai
jis shaKHs ki hatheli pe mera nasib tha
basti ke sare log hi aatish-parast the
ghar jal raha tha aur samundar qarib tha
mariyam kahan talash kare apne KHun ko
har shaKHs ke gale mein nishan-e-salib tha
dafna diya gaya mujhe chandi ki qabr mein
main jis ko chahti thi wo laDka gharib tha
Anjum Rehbar 
(5773) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544