Tumko Bhula Rahi Thi Ki Tum Yaad Aa Gae
tum ko bhula rahi thi ki tum yaad aa gae
main zahr kha rahi thi ki tum yaad aa gae
kal meri ek pyari saheli kitab mein
ek KHat chhupa rahi thi ki tum yaad aa gae
us waqt raat-rani mere sune sahn mein
KHushbu luTa rahi thi ki tum yaad aa gae
iman jaaniye ki ise kufr jaaniye
main sar jhuka rahi thi ki tum yaad aa gae
kal sham chhat pe mir-taqi-'mir' ki ghazal
main gunguna rahi thi ki tum yaad aa gae
'anjum' tumhaara shahr jidhar hai usi taraf
ek rail ja rahi thi ki tum yaad aa gae
Anjum Rehbar 
(3812) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544