Hai Waqia Kuchh Aur Riwayat Kuchh Aur Hai
hai waqia kuchh aur riwayat kuchh aur hai
yaron ko yani hum se shikayat kuchh aur hai
samjhi gai jo baat hamari ghalat to kya
yan tarjuma kuchh aur hai aayat kuchh aur hai
kuchh kam nahin bala se KHilafat zamin ki bhi
yarab meri saza mein riayat kuchh aur hai?
ai gardish-e-zamana tera daur ho chuka?
ya haal par hamare inayat kuchh aur hai
karte ho jo bayan tum 'anjum' baja magar
tariKH jo likhegi hikayat kuchh aur hai
Anjum Rumani 
(939) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544