Dimagh Un Ke Tajassus Mein Jism Ghar Mein Raha

dimagh un ke tajassus mein jism ghar mein raha

main apne ghar hi mein rahte hue safar mein raha

wo KHak chhanne walon ka dard kya jaane

tamam umr jo mahfuz apne ghar mein raha

main ham-kanar kabhi ho saka na manzil se

hamesha halqa-e-aKHlaq-e-rahbar mein raha

main jis ke waste bhaTka kiya zamane mein

wo ashk ban ke sada meri chashm-e-tar mein raha

miTa saka na adawat zamin par insan

kabhi KHala mein kabhi 'anjum'-o-qamar mein raha