Hayat-e-raegan Hai Aur Main Hun
hayat-e-raegan hai aur main hun
ye waqt-e-imtihan hai aur main hun
meri tanhai ka aalam na puchho
KHayal-e-dostan hai aur main hun
labon par mohr-e-KHamoshi hai lekin
nigahon ki zaban hai aur main hun
meri taqdir mujh se bad-guman hai
nasib-e-dushmanan hai aur main hun
jigar mein soz hai aur dil mein mere
mera dard-e-nihan hai aur main hun
gareban chaak laT uljhi hui hain
baDa dilkash saman hai aur main hun
falak wale mujhe pahchante hain
ye meri kahkashan hai aur main hun
Anjum Siddiqui 
(657) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544