Ye Ghazal Ki Anjuman Hai Zara Ehtimam Kar Lo
ye ghazal ki anjuman hai zara ehtimam kar lo
kisi gham ko mai bana lo kisi dil ko jam kar lo
kahan subh-e-gham ka suraj kahan sham ka sitara
isi ruKH pe zulf bikhre yahi subh-o-sham kar lo
wo habib ho ki rahbar wo raqib ho ki rahzan
jo dayar-e-dil se guzre use ham-kalam kar lo
ye kahan ke mohtasib hain ye kahan ki maslahat hai
jo unhen nahin mayassar wahi shai haram kar lo
Anvar Moazzam 
(754) Peoples Rate This