Tai Ho Gaya Hai Masala Jab Intisab Ka
tai ho gaya hai masala jab intisab ka
ab ye bhi koi kaam hai likhna kitab ka
khaya hai sair ho ke KHayali polaw aaj
pani phir is ke baad piya hai sarab ka
dekhi hai ek film purani to yun laga
jaise ki koi kaam kiya hai sawab ka
sugar na ho kisi bhi musalman ko ai KHuda
mushkil sa ek sawal hai ye bhi hisab ka
'anwar' meri nazar ko ye kis ki nazar lagi
gobhi ka phul mujh ko lage hai gulab ka
Anwar Masood 
(2323) Peoples Rate This