Shuur Waqt Pe Dil Ki Dawa Hui Hoti
'shuur' waqt pe dil ki dawa hui hoti
to aaj fikr na hoti shifa hui hoti
murawwatan bhi agar aap aa gae hote
tamaniyyat hamein be-intiha hui hoti
na jaane kitne baras ho gae fughan karte
kabhi to dad-rasi ai KHuda hui hoti
na tha nasib mein dil ki murad bar aana
to kash sabr ki aadat ata hui hoti
hamara haal tumhaari samajh mein aa jata
agar kisi se mohabbat zara hui hoti
hum apne-ap se rahte na be-KHabar to bhala
hamari surat-e-haalat kya hui hoti
'shuur' aap ki aamad se lakh behtar tha
gharib-KHane pe nazil bala hui hoti
Anwar Shuoor 
(867) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544