Mujhe Mahrumiyon Ka Gham Nahin Hai

mujhe mahrumiyon ka gham nahin hai

ye taufiq-e-talab bhi kam nahin hai

mohabbat nam hai gham-peshgi ka

hawas is raaz ki mahram nahin hai

KHamoshi bhi hai ek tarz-e-takallum

nazar ki guftugu mubham nahin hai

main rota hun junun ki bekasi par

wida-e-hosh ka matam nahin hai

ba-juz ek aalam-e-husn-e-tahayyur

nazar mein ab koi aalam nahin hai