Subu Mein Aks-e-ruKH-e-mahtab Dekhte Hain
subu mein aks-e-ruKH-e-mahtab dekhte hain
sharab pite nahin hum sharab dekhte hain
kisi bhi taur uThe par teri nigah uThe
jala ke ghar tujhe KHana-KHarab dekhte hain
use na dekh sakenge ai kash inhen dekhen
wo kaun hain jo ise be-naqab dekhte hain
hamare chehre pe likkha gaya fasana-e-waqt
hum aaina nahin takte kitab dekhte hain
wo hai hi laiq-e-sajda so hum ne sajda kiya
wo aur hain jo azab o sawab dekhte hain
hawas na jaan tujhe chhu ke dekhna ye hai
tujhe hi dekh rahe hain ki KHwab dekhte hain
Arif Imam 
(1026) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544