Jis Mein Ho DozaKH Ka Dar Kya Lutf Us Jine Mein Hai
jis mein ho dozaKH ka Dar kya lutf us jine mein hai
tauba karne mein kahan wo jo maza pine mein hai
KHushk baaton mein kahan ai shaiKH kaif-e-zindagi
wo to pi kar hi milega jo maza pine mein hai
main teri tahqir kar sakta nahin ai zabt-e-shauq
mere sine mein rahega raaz jo sine mein hai
'arsh' par dekha jo tu ne ai nigah-e-dur-bin
aa dikhaun main wahi jalwa mere sine mein hai
Arsh Malsiyani 
(652) Peoples Rate This