KHana-e-dil Mein Dagh Jal Na Saka
KHana-e-dil mein dagh jal na saka
is mein koi charagh jal na saka
na hue wo sharik-e-soz-e-nihan
dil se dil ka charagh jal na saka
soz-e-ulfat se aql hai mahfuz
jal gaya dil dimagh jal na saka
barq tha iztirab-e-dil lekin
aarzuon ka bagh jal na saka
dil-e-mayus mein umid kahan
bujh ke phir ye charagh jal na saka
raushni-e-shuur bhi aai
phir bhi dil ka charagh jal na saka
'arsh' kya tujh se faiz mahfil ko
tu misal-e-charagh jal na saka
Arsh Malsiyani 
(682) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544