Pahla Sa Wo Junun-e-mohabbat Nahin Raha
pahla sa wo junun-e-mohabbat nahin raha
kuchh kuchh sambhal gae hain tumhaari dua se hum
yun mutmain se aae hain kha kar jigar pe choT
jaise wahan gae the usi muddaa se hum
aane do iltifat mein kuchh aur bhi kami
manus ho rahe hain tumhaari jafa se hum
KHu-e-wafa mili dil-e-dard-ashna mila
kya rah gaya hai aur jo mangen KHuda se hum
pa-e-talab bhi tez tha manzil bhi thi qarib
lekin najat pa na sake rahnuma se hum
Arsh Malsiyani 
(2872) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544