Sab Dekhne Wale Unhen Ghash Khae Hue Hain
sab dekhne wale unhen ghash khae hue hain
is par bhi tajjub hai wo sharmae hue hain
ai jaan-e-jahan hum ko zamane se gharaz kya
jab kho ke zamane ko tujhe pae hue hain
hairan hun kyun mujh ko dikhai nahin dete
sunta hun meri bazm mein wo aae hue hain
nisbat ki ye nisbat hai sharaf ka ye sharaf hai
tere hain agar hum tere Thukrae hue hain
hai dekhne walon ko sambhalne ka ishaara
thoDi si naqab aaj wo sarkae hue hain
Arsh Malsiyani 
(809) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544