Zimmedari
hisar-e-tashkik toD kar tum
uTho zamin se
falak pe pahuncho
phir is jahan par nigah Dalo
KHuda-ra apna maqam samjho
shuur-e-maKHsus
jo wadiat hua hai tum ko
zara tum us se jo kaam le lo
to shor-e-shab-KHun
jo har taraf hai
ye KHud-ba-KHud hi KHamosh hoga
ye al-atash ki sada
jo har samt uTh rahi hai
tum us pe labbaik kah kar apni
furaat ka dar KHuda-ra kholo!
KHizan ki mahfil mein
rang-o-bu ke muzakre ki
sabil tum ho
tumhaare shanon pe
zimmedari hai kitni samjho!
ki munhasir hai
baqa-e-alam
faqat tumhin par
Arshad Kamal 
(991) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544