Taqdir Ho KHarab To Tadbir Kya Kare

taqdir ho KHarab to tadbir kya kare

hathon mein dam agar nahin shamshir kya kare

mujh ko andheron mein hi bhaTakna hai umr-bhar

jab aankh hi nahin hai to tanwir kya kare

aazad ho gaya hai wo duniya ki qaid se

us ka bulawa aaya to zanjir kya kare

daulat hai mere hath mein dil ko sukun nahin

chain aur qarar ke liye jagir kya kare

gum ho gaya shikar nigahon ke samne

TuTi ho jab kaman to phir tir kya kare