Meri Nigah Kahan Did-e-husn-e-yar Kahan

meri nigah kahan did-e-husn-e-yar kahan

ho e'tibar to phir tab-e-intizar kahan

dilon mein farq hua jab to chah pyar kahan

chaman chaman hi nahin aaegi bahaar kahan

jise ye kah ke wo hans den ki qissa achchha hai

wo raaz khul ke bhi hota hai aashkar kahan

umang thi ye jawani ki ya koi aandhi

mila ke KHak mein hum ko gai bahaar kahan

umid-war banane se muddaa kya tha

jab aas tum ne dila di to ab qarar kahan

mili hai is liye do-chaar din ki aazadi

ki sarf karta hai dekhen ye iKHtiyar kahan

ye shauq le ke chala hai chaman se shakl-e-nasim

ki dekhen milti hai jati hui bahaar kahan

hai ek shart wafa ki wo qaid-e-be-zanjir

sab iKHtiyar hain aur kuchh bhi iKHtiyar kahan

miTe nishan pe nazar kar ke ro jise chahe

tere sitam ki hai turbat mera mazar kahan

tum aisa ahd-shikan 'arzu' sa na-ummid

kaho jo sach bhi to aata hai e'tibar kahan

(798) Peoples Rate This

Your Thoughts and Comments

Meri Nigah Kahan Did-e-husn-e-yar Kahan In English By Famous Poet Arzoo Lakhnavi. Meri Nigah Kahan Did-e-husn-e-yar Kahan is written by Arzoo Lakhnavi. Read famous Poem Meri Nigah Kahan Did-e-husn-e-yar Kahan for youth and Student by Arzoo Lakhnavi. Free Download Meri Nigah Kahan Did-e-husn-e-yar Kahan in PDF.