Kahte Hain Log Shahr To Ye Bhi KHuda Ka Hai
kahte hain log shahr to ye bhi KHuda ka hai
manzar yahan tamam magar karbala ka hai
aate hain barg-o-bar daraKHton ke jism par
tum bhi uThao hath ki mausam dua ka hai
ghairon ko kya paDi hai ki ruswa karen mujhe
in sazishon mein hath kisi aashna ka hai
ab hum visal-e-yar se be-zar hain bahut
dil ka jhukaw hijr ki jaanib bala ka hai
ye kya kaha ki ahl-e-junun ab nahin rahe
'asad' jo tere shahr mein banda KHuda ka hai
Asad Badayuni 
(927) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544