Lab O RuKHsar Ki Qismat Se Duri
lab o ruKHsar ki qismat se duri
rahegi zindagi kab tak adhuri
bahut taDpa rahe hain do dilon ko
kai nazuk taqaze la-shuuri
kai raaton se hai aaghosh suna
kai raaton ki ninden hain adhuri
KHuda samjhe junun-e-justuju ko
sar-e-manzil bhi hai manzil se duri
ajab andaz ke sham-o-sahar hain
koi taswir ho jaise adhuri
KHuda ko bhul hi jae zamana
har ek jo aarzu ho jae puri
Asad Bhopali 
(865) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544