Tum Dur Ho To Pyar Ka Mausam Na Aaega
tum dur ho to pyar ka mausam na aaega
ab ke baras bahaar ka mausam na aaega
chumunga kis ki zulf ghaTaon ko dekh kar
ek jurm-e-KHush-gawar ka mausam na aaega
chhalke sharab barq gire ya jalen charagh
zikr-e-nigah-e-yar ka mausam na aaega
wada-KHilafiyon ko taras jaega yaqin
raaton ko intizar ka mausam na aaega
tujh se bichhaD ke zindagi ho jaegi tawil
ehsas ke nikhaar ka mausam na aaega
Asad Bhopali 
(1362) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544